E Brezhoneg

Dibenn-sizhun ar 25 & 26 a viz Du 2023 e vo dalc’het hon 12vet Saloñs al levrioù evit ar yaouankiz e Bro Montroulez, gant an tem « E-kreiz an noz »… Pa dec’h ho spered kuit dre pajennoù ho levr, ha c’hwi tamolodet brav dindan ho kolc’hed. Pe dirak skramm sinema ar Salamandre e vefe, unan eus ar gevelerien a aoz an dibenn-sizhun-se ganeomp ? Peotramant oc’h dizaon-kaer hag e vezit er-maez e-kreiz un noz diloar ? Hag arvestiñ a rit ouzh ar sklaer-loar, krouadurioù-noz en o nijadenn-noz en-dro deoc’h ? Lenn zo noazus evit an enoe, hag ez eo dindan oabl steredennet ar Roudour e roomp emgav deoc’h gant un ugent bennak a skrivagnerien-skeudennaouerien eus ar c’hentañ, mediaouegoù ar vro, ar stalioù levrioù Dialogues, Live in room ha L’Ivresse des mots hag hon c’hevelerien all evit rannañ asambles plijadur ar sinadurioù, an abadennoù hag an atalieroù !


Nos invité.e.s brittophones en 2023 :
Livres des auteurs brittophones ici
Courrier de demande pour recevoir un auteur en 2023 En breton

Nos affiches en breton :

Le thème de notre 9è salon était Far-West… il a inspiré, et un numéro de la revue en breton Rouzig (éd KVB) publie l’histoire qui est née de ce projet, écrite par une classe de Diwan Saint-Pol et illustrée par Julien Lamanda ! Vous pouvez la commander ici
C’hoant bras hon eus da zizoloiñ traoù, da welet traoù dic’hortoz, da gaout frankiz vras en-dro deomp, da vont pelloc’h eget penn an hent, da gantreal, ha pas dre hon faltazi nemetken, setu ma vo tem hon saloñs e 2020 : ar FAR WEST ! « Kevandir diharz ha diac’hub, brasoc’h e gened eget hon ijin », eme ar barzh. Se eo ar Far West, da gentañ tout, un takad m’eo kaeroc’h pep tra, brasoc’h, aesoc’h da dizhout, rak pep tra eno a c’hell bezañ c’hoazh. Setu, a-holl-viskoazh, pe dre gaer pe dre heg, pe broudet gant « Kae pelloc’h da welet » hag « Hag-eñ n’on ket eno », ez eus bet paotred ha merc’hed da vont en tu all da vevennoù ar Gontelezh, da varzioù an Impalaeriezh, pelloc’h eget penn an hent. Savet o deus bedoù nevez, diazezet utopiennoù, gouzañvet ar gwirvoud. Met ar Far West a zo evel an dremmwel, ivez, marteze : dirakomp atav, pelloc’h, hag ezhomm he deus hon faltazi eus al lec’hioù all dianav-se. Se zo kaoz e vezomp kaset gant ar Far West war gement tu zo tout, war-du an holl lec’hioù n’anavezomp ket mat, met a hunvreomp enne, pe e vefe penn pellañ an egor pe kogn donañ hon empenn. Peotramant c’hoazh al lec’h iskis ha damenkrezus-se : penn all ar ru, pe ar porzh, evit ur bugel. Er Far West e c’haller kantren, foetañ bro, hunvreal, rak ar pezh a gont n’eo ket kement-se erruout, a-benn ar fin. Kejadennoù a c’haller ober ivez, hag er c’hornioù-bro distroañ eo en em gaver gant ar muiañ a liesseurted hag a binvidigezh. Evel-just eo ar Far West bed an itrikoù hag an trafikoù a bep seurt, teroueroù difeiz ha dilezenn, darempredet gant briganted koulz ha gant justiserien. Met bez eo ivez al lec’h ma ranker bezañ kalonek hag en em sikour, hag al lec’h ma ‘z eus droed adarre da hunvreal en un dazont bravoc’h.